閩南語是漢語族閩語支兮這欉大樹欉兮一支樹椏，是上蓋有影響力兮閩語語言，講語兮閩南語分佈範圍誠闊，主要通行佇福建南部兮漳州、泉州、廈門；臺灣、廣東潮州、汕頭地區，雷州半島；海南島； 浙江省南部兮蒼南縣、平陽縣、洞頭縣；福建西部龍岩兮市區佮漳平縣；福建東北部兮福鼎市；東南亞一寡仔國家佮地區。【福鼎大部地區是講閩東語福寧片東部小片福鼎話（桐山話）；
太姥山鎮鎮區、台山列島講閩東語福州話。
前岐、沙埕（除去澳腰村、後港村）、貫嶺、嵛山正是講閩南語】
若普通時人講閩南語、閩南語，彼透底是咧講福建南部泉-漳-廈地區佮臺灣這搭兮語言。
過去佇中國清朝兮時代，西洋人共閩南語叫做Amoy （這是英語，是廈門兮變音），佇東南亞，閩南語予人叫做「Hokkien」（福建話个意思），佇臺灣叫做河洛話、臺灣話、臺語。佇香港嘛叫做廈語（廈門話兮意思）。
閩南語發源地（上源頭兮所在）是福建南部个廈門、漳州佮泉州這三个所在。
廈門話佮臺灣話予人公認是閩南語个標準，佇海南，用文昌話做代表。